बसना ब्लाक के आखरी छोर मं बसे आदिवासी ग्राम बिलखंड म हर बछर द्वादशी के दिन छत्तीसगढ़ के पारंपरिक कर्मा नाच के आयोजन
CG SANDESH
जीत यादव. बसना ब्लाक के आखरी छोर मं बसे आदिवासी ग्राम बिलखंड म हर बछर द्वादशी के दिन छत्तीसगढ़ के पारंपरिक कर्मा नाच के आयोजन कराय जाथे। ए आयोजन मं आसपास के गॉंव अऊ दूर-दराज के इलाका ले कर्मा नाच पार्टी आके अपन सुन्दर प्रस्तुति देवत हवंय।
गॉंव के लोगन मन ये दिन के बछरभर इंतजार करथें, काबर ये दिन मं गॉंव मं मेला-जइसन माहौल बन जाथे। ढोल-मांदर के गूंज, नाच-गाना अऊ पारंपरिक पहिरावा ले पूरा इलाका गूंज उठथे।
ए बछर घलो, रविवार, दिनांक 02 नवम्बर 2025 के दिन बिलखंड मं कर्मा नृत्य महोत्सव के आयोजन कराय जाही। आयोजन समिति के जानकारी अनुसार, कई जगह ले कर्मा नाच पार्टी मन आके अपन कला अऊ परंपरा के रंग बिखेरही।
गॉंव के बड़-लइका, महिला अऊ नवयुवक मन बड़ उत्साह मं ए तिहार के तैयारी मं जुट गे हवंय। ए कार्यक्रम के माध्यम ले न सिरिफ मनोरंजन, बल्की छत्तीसगढ़ के लोकसंस्कृति अऊ एकता के संदेश घलो फैलाय जाथे।
👉 कार्यक्रम दिनांक: रविवार, 02/11/2025
👉 स्थान: ग्राम बिलखंड, ब्लाक बसना (महासमुंद जिला)